Danmark hevur stikað fram við suðurmarkinum til Týsklands. Málið við hesum ‘verjumúri’ er at halda tey tiltiknu svørtu týsku villsvíni úti av donskum øki.

Hesi villsvín kunnu vera ein hóttan móti tí danska fleskaídnaðinum, sum umboðar eini 250 mia kr árliga í útflutningsvirði.

Onkur heldur danska óttan vera ógrundaðan, tí týsk villsvín eru ikki enn smittað av sonevnda afrikanskum ‘svínabrúna’.

Týskarar halda vanliga gott skil skil á sínum viðurskiftum, og nevndi ‘svínabrunin’ hevur bert gjørt nakað um seg í Eysturevropa.

Afrikanskt svínakrím rakar bæði vill og tom svín og er drepur innan eina viku. Eingin lekidómur finst fyri hesa grísasjúku.

Danir gera helst rætt í at vera fyrivarnir, tí landið hevur 12 mió aligrísar, t.e. 2 ferðir so nógvar grísar sum fólk, og slátrar 28 mió grísar íalt.

Árliga útflutningsvirðið á donskum svínakjøti umboðar 5% av samlaða útflutningsvirðinum.

Tað verður ikki álviligt, um danski grísastovnurin verður raktur av ólekiligari umfarsjúku.

Ikki øll fólk taka undir við langa stikinum, ið er 1,5 m høgt, tvørtur um alt Suðurjútland, tí stikið forðar øðrum dýrum at flyta ímillum Danmark og Evropa.