Klimaterroristar kring heimin skríggja, at heimsupphiting er atvold í ovurhita og skógareldar ymsastaðni í Australia í økjum, ið svara til 3 ferðir Danmark.

Australia er frá náttúrunnar hond hevur stak turt og heitt veðurlag. Heilur triðingur (35%) av Australia er oyðimørk. Landið hevur verið plágað av ovurhita og er brent av herviligum skógareldum 10-tals ferðir farnu 120 árini, áðrenn nakar fór at banka seg fyri bróstið og leika í um globala upphiting.

Men nú hava hava fleiri seriøs tíðindafólk illgruna um, at ein hópur av eldum eru ásettir við vilja ella ífestir av óhappum sum el-leiðingum og snarljósum.

Mest áhugaverdi illgrunin, sum alt fleiri miðlar og normal fólk í Australia fáa, er, at samband tykist vera ímillum ágangandi mótmæli frá veðurlagsvargum, sabotagu móti vinnu-, orku o.ø. stórfyritøkum, móti bilferðslu, farmaflutningi og yvirgang frá klimafascistum øðrumegin og økjandi talið á ásettum eldum.

Tá vit vita, at ágangurin frá vinstrahallum vistfrøðiligum felagskapum økist í heilum, serliga í ríka og framkomna Australia, er ikki óhugsandi, at mest víðgongdu klimaterroristarnir festa eld í fjart liggjandi skógarumráði.

Nú gera løgregla, rættar- og dómsmyndugleikar klárt til at saksøkja tey av teim 124 fólkunum, sum prógv er fyri hava sett eld á og tað ikki bert, tí tey eru sinnisjúkir eldvargar (pyromanar), ið fáa serligar rættarsóknir.

Tey, ið verða saksøkt og dømd, kunnu rokna við revsingum sum hesum:

Fyri manndráp og eldskaða á ognir við tí í kvittan at koma fólki í lívsvanda – upp til 25 ára fongsul.

Fyri at seta eld á skóg- og runnavøkstur, sum breiðir seg – upp til 21 ár.

Fyri at kynda eld hóast bann, fyri ikki at sløkkja eld, tey hava kynt, skilaleysa umferð við sigarettum o.t. - fongsul upp til 12 mánaðir og/ella 25.000 kr í sekt.

Hesi tíðindi úr Australia skriva m.a. avísir sum The Australian og Brisbane Times eins og Australia Sky News SV.