Grikkaland við at missa síni tjóðareyðkenni
Føroyingar hava virðismett okkara mál, mentan, samleika o.o. tjóðareyðkenni. Ein kann illa ímynda sær ta sorg og sakn, eitt fólk ella tjóð kennir, tá samleikin fer, uttan mun til hví ein missir síni tjóðareyðkenni.
Seinast bóru vit tey góðu tíðindi, at ES linkað treytirnar fyri grikskari lánskuld, eftir nýggja høgrastjórnin tók við í Athen. Ivasamt, um hetta ikki er ov seint.
Sambært grikska miðlinum To Vim gjørdi grikska stjórnin eina dáragerð stutt eftir 2008, tá Grikkaland fall undir ES-umsiting av búskaparpolitiskum kleyvarskapi tey sløku 20 árini, eftir at landið fekk evruna sum gjaldoyra og lænti seg út av bakkatromini. Eingin politiskur flokkur vísti fyrilit.
Grikska tjóðartingið samtykti tá eina lóg, sum gav øllum útlendingum, ið keyptu fastogn í Grikkalandi fyri minst 2 mió kr, uppihaldsloyvi í landinum. Hetta varð gjørt fyri at draga so frægt múgvandi fólk til, so at tey vildu gera íløgur í landinum og á tann hátt halda búskapinum á floti.
Uppihaldsloyvi varð síðan broytt til borgaraskap, og tað gav atgongd til borgararætt í ES. Útlendingar, eitt nú turkar, kinverjar o.a. eystur- ella enntá ikki-evropear, gera sær dælt av hesum høvi til at búseta seg í EU-londum.
Sonevnda ‘gylta visumið’ galt eisini konur, børn og skyldfólk hjá nýggjum húsaeigarunum, sum ofta ikki sjálvi búgva í Grikkalandi, men leiga húsini út til ferðafólk. Ferðavinnan er sterk í hesum søguríka og lýggja sóllandi.
Tá strongu krøvini til Grikkaland vórðu linkað nakað, og grikkar hildu seg fáa ondina aftur, høvdu útlendingar longu keypt so nógv hús og jørð, at prísurin fyri útleigaðar íbúðir var hækkaður hagar upp, sum grikkar ikki høvdu ráð til.
‘Athen er vorðið eitt ‘margmentað skýli’ fyri ómentaðar heimsborgarar uttan samleika. Tey hava taddað griksk tjóðareyðkenni sundur, so grikkar sjálvir eru vorðin fremmand í egnum landi,’ skrivar miðilin To Vima í Athen.
Grikkaland er nú ræðandi dømi fyri øll fólk, ið ikki vilja missa men varðveita sítt egna móðurland við egnum máli, mentan, samleika og tjóðareyðkennum.
Mest lisið í farnu viku
Samband
Heygsvegur 8
490 Strendur