Tilsamans 675 nálir. 345 bláar, sum eru dreingjabørnini og 330 reyðar, sum eru gentubørnini, komu í talvuna á Landssjúkrahúsinum í fjør. 

Hvør einasta knappanál á talvuni ímyndar eitt vakurt barn, sum er borið í heim á Landssjúkrahúsinum farna árið. Føroyingar eru ófør at fáa børn og aftur í 2019 var talvan á tremur. 

Nógv tær flestu føðingarnar í Føroyum fara fram á Landssjúkrahúsinum, tó at onkur er í Suðuroy. Í fjør vóru tríggjar føðingar á Suðuroyar sjúkrahúsið og 675 á Landssjúkrahúsinum, so tilsamans vóru 678 børn fødd í Føroyum í fjør, skrivar Landssjúkrahúsið á sosiala miðlinum Facebook.

Føroysk børn bera orð fyri at hava góða vekt. Børnini vigaðu tilsamans 2,5 tons. Miðalvektin var gott 3700 gramm, skrivar Landssjúkrahúsið.