Eg eri stolti eigarin av 1/24 parti av einum reiðaríi
Onkuntíð undrist eg á, hví fjølmiðlaverðin ikki leggur fram hvussu allar samtyktir gjørdar av tingfólki, ávirka persónligu viðurskiftini hjá hesum fólkum.
Sigast skal, at eg eri ikki erkvisin hóast eg ikki altíð haldi meg verða so væl viðfarnan, og eg eri serstakliga glaður fyri at fjølmiðlarnir grava og leggja tað fram sum teir finna, so fólkið í landi okkara verður so væl upplýst sum gjørligt.
Eitt sum hevur myndað yvirskriftirnar í fjølmiðlunum seinastu tíðina er, at eg havi verið við til at samtykt at lata línuskipum makrel, og at eg eri parteigari í einum felagi sum eigur eitt línuskip.
Eg eri stolti eigarin av 1/24 parti av einum reiðaríi, sum í dag eigur eitt línuskip. Forrestin eitt reiðarí, sum burturav er á føroyskum hondum. Hetta gjørdist eg fyri 9 árum síðani.
Hetta veiðuloyvið er 1 av 21 loyvum sum nú fær rættindi til 190 tons av makreli.
Eg eri glaður fyri at KVF hevur lagt hesi eigaraviðurskifti míni út á blik, tí fólkið í landinum hevur krav uppá at vita hetta.
Tann ið situr sum tingmaður kann pr definitión ikki verða inhabilur. Vit viðgera mál um samfelagið alt, og tí kemur man viðhvørt inná viðurskifti har man í sínum privatlívi er engageraður, óansæð um man er fiskimaður, lærari, bóndi, advokatur, vaskifólk, røktari, jarðamóðir, ella okkurt annað.
Eg veit at man bara fær mótgongd og skitin orð við at fara í víggj við fjølmiðlarnar, og tað ætli eg mær heldur ikki.
Tað undrar meg bara, at hetta fær so stóra rúmd sum tað gerð, serliga tá man ikki lýsir øll tingfólk á hendan hátt. Tí at øll sum hava gjørt okkurt annað enn at ligið á divanini, koma at viðgera okkurt sum viðvíkur teimum og teirra.
Tað kennist sum um man her roynir at pensla meg og mína støðutakan við døkkum strokum.
Ongin skal ivast, hetta ávirkar meg ikki tað allar minsta. Faktiskt havi eg havi ikki havt eina betri kenslu um at eg havi verið við til at samtykt nakað so gott og gagnligt fyri landið alt, síðani vit samtyktu at gera Sandoyartunnilin.
Onki erkvisni, bara undran og ásannan av at tað er sera týdningarmikið fyri okkara skipan at vit hava virknar fjølmiðlar
Soleiðis skrivar Brandur Sandoy á facebook.
Mest lisið í farnu viku
Samband
Heygsvegur 8
490 Strendur