Í Leysaløtuni verða aktuell prát við gestir. Har verða brúkarainnsløg um m.a. mat og grønar orku loysnir - vitan, sum kann hjálpa fólki tá val skulu takast. Hvat eru t.d. fyrimunir og vansar við at velja oljufýr, hitapumpu, sólfangarar ella jørðhol. Onnur starvsfólk á R7 fara onkuntíð at koma við innsløgum og tilfari til Leysaløtuna og lurtarar fáa eisini møguleika at ávirka sendingina. Tað verður Annika Bolton Motensen, sum verður vertur og fer at leggja Leysaløtuna til rættis. 

Í fyrstu sendingin í morgin verður práta við Mary Antonsdóttir, forkvinnu í Heilsuhjálparafelag Føroya. Vit fara at tosa um stríðið, ið seinastu vikuna hevur verið, um hvar í landinum Heilsuskúli Føroya skal liggja. 

Brynhild Kamban kemur á gátt, at tosa um sína MA-ritgerð, har hon kynfrøðiliga greinar Sjúrðakvæðini. 

Thormann Kruse kemur at tosa um grøna orku og tíðindamaðurin Grækaris Djurhuus Magnussen var við tá mentanarlønir landsins vóru handaðar mikukvøldið. 

Í Leysaløtuni er pláss fyri nærum øllum. Og, lurtarar kunnu skriva inn á telefon 577777 við tónleikaynskjum og viðmerkingum. Fólk eru eisini vælkomin at skriva til Leysaløtuna, um tey vita um okkurt, sum átti at komið fram ella átti at verið kannað. 

Talan er annars um eina nýggja gamla sending, ti Leysaløtan hevur fyrr verið á skrá. Hetta var tá R7 Kringvarp æt Rás 2. Óla Jákup Rólantsson, Sonne Smith og Annika Bolton Mortensen hava fyrr samskipa Leysaløtuna á Rás 2. 

Leysaløtan á R7 verður á skrá fríggjadagar kl. 13.