Nógvur vindur aftur í dag
Vánaliga veðrið hevur millum annað við sær, at Strandferðslan hevur fleiri avlýsingar, og fleiri fiskiskip eru komin inn at kroka.
Vánaliga veðrið seinastu tíðina heldur fram í dag, og Strandferðslan hevur avlýst fleiri leiðir hjá Bygdaleiður.
Leið 101: Tórshavn – Gamlarætt er avlýst.
Leið 707: Koyrir millum Hvalba og Tvøroyri til Smyril, men koyrt verður ikki til Fámjins.
Leið 410: Leið 410 koyri ikki fyri veður fyribils.
Í morgin er broyting í farðleiðini hjá Smyrli millum Tvøroyri og Havnina.
Fyri veður siglir Smyril ikki túrarnar úr Tórshavn kl. 08.45 og av Tvøroyri kl. 11.30. Siglt verður av Tvøroyri kl. 06.00 og kl. 18.45, og úr Tórshavn kl. 16.00 og kl. 21.15.
Og Landsverk sigur frá nógvum vindi:
Á Dalavegnum til Viðareiðis upp í 28 m/s í hvirlunum
Um Gjáarskarð upp í 29 m/s
Á Heltnini á Oyndarfjarðarvegnum 30 m/s
Á Høgareyni 28 m/s
Við Velbastaðháls upp í 29 m/s
Um Ørðaskarð heilt upp í 40 m/s í hvirlunum
Og á Porkerishálsi er upp í 31 m/s í hvirlunum.
Vánaliga veðrið hevur millum annað við sær, at nógv fiskiskip eru komin inn at kroka.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur