Christian Fribjart Andreasen skrivar: Georg, halt teg til sannleikan. Eg havi ikki sagt, at 82% valdu andstøðuna frá. Tað vóru 82%, sum valdu Tjóveldið frá.

Georg, títt aftursvar avdúkar júst, at tú ikki ert førur fyri at svara mínum spurningum.
Eg havi ikki á nakran hátt karaktermyrt nakran.

Havi konkret víst á, at spunasmiðurin hjá Tjóveldið (hygg bara eftir sendingini um valstríðið) bara ein mána eftir valið sleppur at leggja allar fiskivinnusendingarnar í Degi og Viku til rættis.

Hesi innsløg í Degi og Viku hava næstan øll havt eina óhugnaliga slagsíðu. Georg, hygg bara eftir sendingunum, so veist tú hvat eg meini við. Tá tú fert at lurta, tak bara eisini seinasta "Breddan" við.

Eg skal nokk svara fyri meg. Men eg eri hamrandi troyttur av teirri slagsíðu sum Kringvarpið leggur fyri dagin.
Georg, tú hevur medábyrgd av hesi slagsíðu.

Eg meti meg annars hava líka góðan rætt at seta kritiskar spurningar, sum tíðindafólkini í Sortudíki. So lat vera við at tosa um

Christan Andreasen.

Her er lesarabrævið hjá Christian Andreasen, sum Georg svarar aftur niðanfyri: http://www.vp.fo/news-detail/news/news/detail/spunasmidurin-hja-hoegna-nu-vertur-i-degi-og-viku/ 

Aftursvarið hjá Georg L. Petersen, tíðindaleiðari í Kringvarp Føroya, kann lesast her: http://www.vp.fo/news-detail/news/news/detail/tidindaleidarin-i-kvf-eitt-skitid-alop/