Stjórnarkreppa í Noregi
Norski Framburðsflokkurin, ein av stuðulsflokkunum í stjórnini hjá Ernu Solberg, forsætisráðharra, tekur seg úr samgongustjórnini í Noregi. Orsøkin sigst vera misnøgd við, at Noregi avgjørdi at taka eitt sjúkt barn heim úr Sýria í fjør, og umframt hetta barnið varð eitt systkin hjá barninum og mamman eisini tikin heim til Noregs. Mamman varð skuldsett fyri yvirgang og sat í stóra Al-Hol fongslinum í Sýria, har tíggjutúsundtals IS-hermenn og einkjur sita. Tað skrivar norska kringvarpið, NRK.
Framburðsflokkurin hjá Siv Jensen, fíggjarmálaráðharra, boðaði frá avgerðini, at tey taka seg úr norsku samgonguni, á tíðindafundi í dag.
Heimtøkan til Noregi varð duld, skrivar NRK, men síðani málið kom undan kavi, hevur politiskt rumbul verið, um mamman eisini skuldi verið sloppin við.
Altjóða hevur Noregi eisini havt nógva mótgongd í síðstuni. Noregi hevur fingið fimm dómar frá Evropeiska mannarættindadómstólinum í Strassbourg seinasta árið. Øll hesi mál vóru móti norsku Barnaverndartænastuna. 28 mál afturat móti norsku barnaverndartænastuni fara í næstum at koma fyri Evropeiska mannarættindadómstólin.
Eygleiðarar undrast á, at norska stjórnin ikki er komin við nakrari ætlan um broytingar innan Barnaverndartænastuna, meðan stjórnin samstundis leggur áherðslu á, at hjálpa børnum og einari mammu, sum er partur av IS og skuldsett fyri yvirgang.
Mest lisið í farnu viku
Samband
Heygsvegur 8
490 Strendur