Tvey ferðsluóhapp á Porkerishálsi
Klokkan tíggju-minuttir-í-seks í morgun fór ein bilur út av vegnum á Porkerishálsi. Bilurin skuldi yvirhála bilin, sum koyrdi beint frammanfyri.
Men komin nakað upp á síðuna á bilinum, sum hann roynir at yvirhála, kemur ein triði bilur ímóti teimum. So tætt vær millum teir, at bilurin, sum roynir at yvirhála, kemur at raka bilin, sum hann yvirhálar, og rennir síðan útav vegnum oman í hagan. Ongin fólkaskaði hendi.
Kristian Martin Joensen, vaktleiðari á Politistøðini í Havn, sigur við R7, at um hálvgum-átta-tíðina í morgun hendi eitt bilóhapp aftrat á sama staðnum.
Ein bilur kemur koyrandi á Porkerisháli, og tá hann sær bilin, sum var farin útav um 6-tíðina, og sum liggur niðri í haganum, setur ferðina niður at hyggja. Men ein bilur, sum koyrdi aftanfyri hendan, ið setti ferðina niður, rennir í reyvina at bilinum frammanfyri. Heldur ongin mansskaði hendi í tí óhappinum. Myndir: Birgir waag høgnesen
Mest lisið í farnu viku
Samband
Heygsvegur 8
490 Strendur