Sjórænarar flýddu eftir skotbardaga
Sjórænarar lupu mikudagin á eitt tangaskip hjá turkiska reiðarínum, Besiktas Group, 60 fjórðingar uttanfyri Nigeria - í Guinea-víkini. 20.000 dwt stóra tangaskipið, Lagertha, hevði ikki færri enn átta vápnaðar vaktir frá nigeriska herinum umborð. Og eftir skotbardaga noyddust sjórænararnir at gevast.
- Tíbetur høvdu vit átta vápnaðar vaktir frá nigeriska flotanum í Lagos umborð. Teir skutu ímóti sjórænaraskipinum, og sjórænararnir royndu at svara aftur við skotum, men so rýmdu teir, sigur ein umboðsmaður fyri reiðaríið, Besiktas Group, við TradeWinds.
Tangabáturin kundi sostatt sigla í havn í øllum góðum.
Maritime Domain Awareness for Trade – Gulf of Guinea (MDAT-GoG) boðaði fyri kortum frá einum álopi á eitt farmaskip, sum ein minni bátur við fimm vápnaðum sjórænarum framdi. Skipið var á veg móti Calabar í Nigeria við einari ferð uppá 12 míl, tá menn umborð á sjórænarabátinum royndu at sleppa umborð á farmaskipið.
Men tað eydnaðist teimum ikki.
At myndugleikarnir hava sett vápnaði fólk umborð á skip í Guinea-víkini vísir, hvussu álvarsligan myndugleikarnir í Nigeria meta hendan trupulleikan vera í økinum.
Kelda: TradeWinds / Maritimedanmark/ Áhugafelagið Antares
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur