Marglætis-reikferðaskipið ella krússkipið, Silver Whisper, sum Silversea Cruises eigur, er farið á eina 140 dagar langa krúsferð. Fyri fyrstu ferð verður ein krúsferð gjørd til allar heimspartarnar á somu ferð. Ein heilt serlig uppliving fyri tey einans 388 ferðafólkini. Men prísurin er eisini hareftir.

“Legends of Cruising er okkara higartil mest umfatandi ferð kring heimin, og upplivingarnar á ferðini verða eisini óvanligar og nógvar. Frá Fort Lauderdale til Amsterdam, frá Antarktis til Aqaba fara mongu ferðamálini á leiðini at vísa ferðafólkunum slíkt, sum tey ongantíð áður hava upplivað og sæð.

Silver Whisper skal vitjan í 62 havnum í meira enn 20 londum um allan heim á fimm mánaðar longu ferðini.

Fíggjarviðurskiftini hjá ferðafólkunum mann vera á góðari leið, tí ferðin er kostnaðarmikil. Bíligasti ferðaseðilin kostar 435.000 krónur fyri hvønn, meðan kostnaðarmiklasti ferðaseðilin kostar 1,6 milliónir krónur fyri hvønn.

Men tá er altso “all inclusive” – við egnum hovmeistara ella butlara til øll kømur og allar svitur.

Kelda: Maritimedanmark og Áhugafelagið Antares