Í kvøld verður aðalfundur hjá felagnum, sum vil vísa á negativu biologisku ávirkanina frá tráðleysari tøkni, so sum Wi-Fi og fartelefonmastrum, fartelefonum, tráðleysum heimatelefonum og tráðleysum internetið.

Telefyritøkur og myndugleikar eiga at taka fyrivarni, tá framtíðar tráðleys tøkni verður planløgd og møguliga tikin í brúk, skrivar Erbylgjufelagið á heimasíðu síni.

Erbylgjufelagið heldur, at borgarin og grannaløg mugu spyrjast áðrenn sendarar og mastar verða settar upp. Kommunu- og landsmyndugleikar mugu geva borgarunum rættin til at siga nei til sendimastrar og sendarar í teirra grannalagi. Skúlar og arbeiðspláss mugu innrættað Wi-Fi fríar skúlastovur og øki til tey, sum vilja vera uttan hesa geisling. Tað má vera ein demokratiskur rættur, skrivar Erbylgjufelagið, sum eisini vísur á, at myndugleikarnir í Føroyum ikki hava ásett markvirðir fyri erbylgjugeisling. 

Aðalfundurin hjá Erbylgjufelagnum verður í kvøld kl. 19:30 í Hugskotinum á Vestaru Bryggju (Sjóvinnuhúsið). Á skrá er m.a. val av nýggjum formanni, skrivar Erbylgjufelagið á sosiala miðlinum Facebook. Sitandi formaður er Janus D. Guttesen.