Talið av útlendingum veksur
Hin 1. januar 2019 vóru 51.303 fólk í Føroyum. Av teimum vóru 1.475 fólk við øðrum ríkisborgararætti enn norðurlendskum.
Og 1. desember 2019 vóru 52.067 fólk í Føroyum. Av teimum vóru 1.697 fólk við øðrum ríkisborgararætti enn norðurlendskum, 222 fleiri enn um ársskiftið.
Hyggja vit eftir, hvar hesi 1.697 fólkini við øðrum ríkisborgararætti enn norðurlendskum búgva, síggja vit hetta:
186 búgva í Norðoyggjum.
532 búgva í Eysturoy.
99 búgva í Norðstreymoy.
638 búgva í Suðurstreymoy.
107 í Vágum.
32 í Sandoynni.
Og 103 útlendingar við øðrum ríkisborgararætti enn norðurlendskum búgva í Suðuroy.
Hyggja vit so eftir, hvaðan hesi fólkini koma, síggja vit, at flestu teirra koma av Filipsoyggjum, Rumenia, Póllandi og Teilandi. Av Filipsoyggjum og úr Teilandi eru flest kvinnur, meðan flest menn eru úr Rumenia og Póllandi.
Hyggja vit at aldursbýtinum á útlendingum í Føroyum tann 1. desember 2019 sæst:
166 vóru børn í aldrinum 0-9 ár.
169 vóru børn og ung í aldrinum 10 til 19 ár.
253 í aldrinum 20 til 29 ár.
469 í aldrinum 30 til 39 ár.
361 eru í aldrinum 40 til 49 ár.
194 í aldrinum 50 til 59 ár.
68 í aldrinum 60 til 69 ár.
Og 17 í aldrinum 70 til 89 ár.
Tølini eru sambært upplýsingum hjá Umhvørvis- og Vinnumálaráðnum.
Mest lisið í farnu viku
Samband
Heygsvegur 8
490 Strendur