Sigurð í Jákupsstovu stjóri á Umhvørvisstovuni
Fyrrverandi rektarin á Fróðskaparsetrinum, Sigurð í Jákupsstovu, er settur sum nýggjur stjóri á umhvørvisstovuni.
Sigurð í Jákupsstovu er 57 ára gamal. Hann er útbúgvin skipsførari, sivilverkfrøðingur og hevur eina Ph.d. frá DTU.
Sigurð í Jákupsstovu hevur starvsroyndir frá størvum bæði í Føroyum og útlondum. Somuleiðis hevur hann drúgvar leiðsluroyndir, m.a. sum stjóri á Jarðfeingi og sum rektari á Fróðskaparsetri Føroya. Tað skrivar Umhvørvis- og Vinnumálaráðið á heimasíðu síni.
Landsstýrismaðurin í vinnumálum, Helgi Abramhamsen, sigur í hesum sambandi, at stórar avbjóðingar standa fyri framman innan fleiri av teimum málsøkjunum, sum Umhvørvisstovan tekur sær av. Eitt nú innan veðurlagspolitikk og grønt orkuskiftið.
Sigurð í Jákupsstovu byrjar í starvinum á Umhvørvisstovuni tann 1. februar 2020.
Mest lisið í farnu viku
Samband
Heygsvegur 8
490 Strendur