Rok um felags brennistøð
At Tórshavnar kommuna havnar ætlanini at byggja eina felags brennistøð saman við IRF, hevur fingið kjakið at kykna, og fleiri ilskast um avgerðina, millum annað fyrrverandi floksfelagi hjá limunum Javnaðarflokkinum í Tórshavnar býráð, Elin Lindenskov.
Elin Lindenskov sigur seg als ikki skilja sínar fyrrverandi floksfelagar. Á facebook-síðu sínari sigur hon millum annað:
“Sera skuffandi at hoyra minnilutan í Tórshavnar kommunu tosa ímóti eini felags brennistøð fyri alt landið. Soleiðis sum eg hoyri tykkum, hugsa tit als ikki um umhvørvið, men bara um vald.
Loyvi mær at vísa á mína áheitan á Javnaðarflokkin á landsfundinum í 2008, um at arbeiða fyri at leggja báðar brennistøðirnar saman.”
Tá segði Elin Lindenskov í grein í Sosialinum, at tað eru stórir fyrimunir í einari stórari, felags brennistøð fyri allar Føroyar, og tað er tað einasta rætta at gera. Sum støðan er nú, verður rusk flutt runt í øllum landinum heldur enn at rationalisera flutningin og savna alt ruskið á einum stað. Tað hevði spart nakað av útláti av vandamiklum evnum,” segði Elin Lindenskov millum annað í 2008.
Men í dag noktar Javnaðarflokkurin í Tórshavnar býráð at vera saman við kommununum í IRF um eina felags brennistøð.
Vit royndu at fáa eina viðmerking frá Heðini Mortensen í dag, men hann var upptikin.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur