Jóhan Christiansen sigur millum annað í almennari viðmerking um avgerðina hjá Tórshavnar býráð:

"Nú lagnan hjá IRF, undarligt nokk, skal avgerast í býráðnum í Havn, og ikki á aðalfundi hjá IRF, eru vit nógv sum standa spyrjandi. Tórshavnar kommuna vil ikki vera við, tí tey sleppa ikki at bestemma alt," sigur hann.

Borgarstjórin í Eysturkommunu sigur, at tað ber bara til at arbeiða saman við Tórshavnar kommunu, tá Havnin fær nakað burturúr.

"Ført verður fram, at tað er ein stór sparing fyri Tórshavn at byggja eina nýggja felags brennistøð, sum skal liggja í Havn. Hvar er sparingin fyri okkum sum búgva uttanfyri Tórshavn, kundi ein freistast at spurt, sigur Jóhan Christiansen.

Vit ætlaðu at fáa eina viðmerking frá Jóhan Christiansen, borgarstjóra, men hann var upptikin á fundi stóran part av degnum.