Nú er Landsfelagið Børn og Samvera stovnað
Ljóðbrot: Stovnandi aðalfundur hjá Landsfelagnum Børn og Samvera var í gjár. Endamálið hjá felagnum er at bøta um korini hjá børnum, hvørs foreldur ikki búgva saman.
Tað er umráðandi hjá børnum í torførum støðum at hava eina rødd. Tí hava nøkur foreldur við royndum staðið fyri at stovna eina føroyska systurdeild til 20 ára gamla danska felagið “Landsforeningen Børn og Samvær”.
Á aðalfundinum varð nevnd vald og skipað.
Í nevndini eru Róhild Winther, forkvinna, Connie Christensen, kassameistari, Sólmai Hvanná, skrivari, Súsanna Madsen, nevndarlimur og Poula Thorsvig Thomassen, nevndarlimur. Tiltakslimir eru Hjálmar Hátún og Oda K. Strøm.
Forkvinnan í nýggja felagnum, Róhild Winther, leggur dent á, at hjá felagnum fer fokus altíð at vera sett á barnið og ikki á foreldrini.
Mest lisið í farnu viku
Samband
Heygsvegur 8
490 Strendur