Avstralsku myndugleikarnir mistu í gjár sambandi við stóra sløkkiliðsflogfarið í statinum, New South Wales. 

Sløkkilið á staðnum váttaði í gjárkvøldið, at tey kannaðu tíðindini um eina álvarsama hending, har eitt flogfar var íblandað, skrivaði Reuters.Tyrlur leitaðu í gjárkvøldið eftir flogfarinum í einum øki, har vandi er fyri at tað var niðurdottið. 

Og í dag er vrakið av stóra sløkkiliðs-flogfarinum funnið. Teir tríggir amerikonsku sløkkiliðsmenninir, ein teirra var flogskipari, eru allir deyðir í vanlukkuni.

32 fólk eru higartil deyð av ógvusligu skógareldunum í Avstralia seinastu tíðina.