Avstralst sløkkiliðsflogfar niðurdottið
Tríggir amerikanskir sløkkiliðsmenn, ein teirra flogskipari, eru deyði í einari flogvanlukku, meðan teir royndu at sløkkja eld í New South Wale í Australia.
Avstralsku myndugleikarnir mistu í gjár sambandi við stóra sløkkiliðsflogfarið í statinum, New South Wales.
Sløkkilið á staðnum váttaði í gjárkvøldið, at tey kannaðu tíðindini um eina álvarsama hending, har eitt flogfar var íblandað, skrivaði Reuters.Tyrlur leitaðu í gjárkvøldið eftir flogfarinum í einum øki, har vandi er fyri at tað var niðurdottið.
Og í dag er vrakið av stóra sløkkiliðs-flogfarinum funnið. Teir tríggir amerikonsku sløkkiliðsmenninir, ein teirra var flogskipari, eru allir deyðir í vanlukkuni.
32 fólk eru higartil deyð av ógvusligu skógareldunum í Avstralia seinastu tíðina.
Mest lisið í farnu viku
Samband
Heygsvegur 8
490 Strendur