Delta Seafood gjørt íløgu í einkultfrystara
Fyri at fylgja við tíðini og tryggja støðugt og gott arbeiði, hevur Delta Seafood á Tvøroyri gjørt íløgu í ein sonevndan “einkultfrystara”. Hetta er ein frystari, sum ger tað møguligt at frysta saltað fløk hvørt fyri seg.
Magnus Jespersen, stjóri, sigur, at marknaðurin fyri frysta rávøru er vorðin rættuliga dýrur. Við at gera íløgu í henda frystaran, fær Delta Seafood atgongd til ein stóran marknað, ið virkið annars ikki hevur atgongd til.
Neyðugt hevur verið at byggja uppí verandi virki, soleiðis at pláss varð fyri frystaranum.
SEV hevur sett eitt transformator-torn upp á staðnum, og Tvøroyrar Kommuna hevur lagað bryggjukantin og gjørt undirlendið trygt. Hetta fegnast stjórin á Delta Seafood um, og hann sigur, at framleiðslan fer í gongd aftur heilt skjótt.
Delta Seafood hevur hildið til og virkað á havnarlagnum á Tvøroyri seinastu 25 árini. Øll árini hevur virkið havt alstóran týdning fyri býin, og fólkini handan virkið eru við til at mynda leiðsluna í fleiri øðrum feløgum kring oynna og í landinum, skrivar Tvøroyar kommuna.
Mest lisið í farnu viku
Samband
Heygsvegur 8
490 Strendur