Veðurlagsstevnan í Madrid miseydnaðist tíbetur
Vit fáa ofta góðar jólagávur. Ein hin besta hjá øðrum enn klimafascistum var fiaskoin í Madrid, veðurlagsstevnan, sum við flogførum o.ø. flutningi, gist og vist blásti fleiri tons av CO2 út í luftina enn alt jólastákið í Føroyum tilsaman.
Hetta var drúgvasta og fjølmentasta veðurlagsstevnan, eisini úrslitaleys.
1.000-tals tons at pappíri á COP-25 ráðstevnuni hjá ST at broyta veðurlagið í 2100 við at minka CO2-útlátið í heiminum endaði í makulatorinum.
Meirilutin av ST-limunum eru fátæk lond. Tey senda mest fjølmentu nevndir á COP-fundir, eru tey skitnastu og stytst áleiðkomnu, ið ætla sær flest mia $ og evrur burturúr. Tey klára ikki sjálvi úr skittinum, og Vestanlond skulu tí gjalda.
Men luttakararnir á COP-25 í Madrid samdust um at skerja CO2-útlátið av enn meiri komandi árini, tó ikki hvussu nógv. Tey megnaðu heldur ikki at avráða, hvussu hetta skuldi gerast, tí royndir higartil at handla kvotur av CO2-útláti sínámillum fyri at javna út gassið, miseydnaðist eisini hesa ferð.
USA fekk sum vant toyggið, tí Trump hevði meldað landið úr París-avtaluni, sum Obama undirskrivaði í 2015. Hesa fer fingu Kina og India ábreiðslur fyri at dálka mest og at opna nýggj kolanám og kolorkuverk hvønn mánað.
ST-leiðslan gramdi seg sum vant og brigdaði leiðarum í heimsins fremstu londum, at tey her mistu eitt gilt høvi til at bjarga heiminum undan undirgangi.
Tíðindamiðlar vænta, at fiaskoin í Madrid fer at leggja trýst á Bretland, ið verður vertur á COP-ráðstevnuni næsta ár í býnum Glasgow. Klimasirkusið heldur fram, tí so nógvir almennir pengar, lønir og studningar fyri $ 2.000 mia verða árliga goldin teimum, ið liva av at svindla við ræðusøgum um dómadag.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur