Petur Hans Dahl, veðurfrøðingur: Veðurvánir fyri hesa vikuna ( vika 5 )
Samanumtikið: Ein stóran part av tíðini undir 10 m/s, vátaslettingur ella regn og heldur kalt, men tó fyri tað mesta um 2-5 stig
Í dag mánadagur 27. Strúkur í vindi av suðri 14 m/s og vátaslettingur, síðani regn, seinni minkar hann niður í andøvsgul 6 m/s, regn og hitin 3-5 stig
Týsdagur 28. Gul av suðri, 3-5 m/s, okkurt æl av og á og hitin 3-5 stig
Ónsdagur 29. Andøvsgul niður í lot av ymsum ættum 7-3 m/s, okkurt vátaslettings- ella regnæl og hitin 3-5 stig
Tórsdagur 30. Hann melur av ymsum ættum 3-10 m/s, turt fyrrapartin, men regn um kvøldið. Hitin 3-4 stig
Fríggjadagur 31. Hann melur av ymsum ættum 5-8 m/s, regn av og á og hitin 3-4 stig
Leygardagur 1. Landn 8-13 m/s, regn fyrrapart, men sólin sær seinnapart og hitin 3-4 stig
Sunnudagur 2. Útn gangandi í vestan síðani lands 5-12 m/s, regn um kvøldið og hitin 3-5 stig.
Samanumtikið: Ein stóran part av tíðini undir 10 m/s, vátaslettingur ella regn og heldur kalt, men tó fyri tað mesta um 2-5 stig
Veðurtekin: Tann 24. januar, sum var fríggjadagin, var Pálsmessa. Um henda dag søgdu tey gomlu, at um sólin var frammi so leingi, at tú fekk stundir at saðla ein hest, so verður summarið gott. Fríggjadagin skein sólin í Havn fleiri ferðir millum middag og kl. 15, soleiðis at tú kundi havt saðla fleiri hestar.
Uppá fyrispurning seinasta mánadag frá lurtara, hvussu veðrið var í januar 1991, kann eg siga, at tað var nógvur vindur av úts umleið helvtina av tíðini henda mánað.
Petur Hans Dahl sigur um veðrið á Ovarugøtu kl. 7 í morgun: Lands 12 m/s, skýggja, turt og hitin 4 stig
Mest lisið í farnu viku
Samband
Heygsvegur 8
490 Strendur