Eigur tú hetta ? ella veitst tú hvat hetta er ?
Skalt tú byggja, umvæla ella møguliga bara rudda eitt loft ella ein kjallara, so kemur man mangan fram á okkurt áhugavert. Í Fuglafirði undrast tey. Hesin luturin er funnin á einum lofti. Tey vita ikki hvat hetta er.
I kjallaranum i Thabor liggja hesir lutirnir. Vit vita ikki, hvat hetta er, men ivaleyst er onkur, sum veit betri. Tann størri luturin er uml 50-60 cm høgur.
Tann minni (vid kuplinum) er nakað minni. Tann størri luturin er helst ein brennari/hitari av onkrum slagi.
Har er eitt koparrør, sum gongur niður i ein tanga. Kanska hoyra lutirnir saman sum ein eind, har endamálið er hiti og ljós.
Tað er Kristian Martin Petersen, sum hevur lagt hesi boðini á sín facebook vanga.
Vit hava vent okkum til Kristian Martin. Hann sigur, at onkur av teimum eldru heldur, at hetta eru leivdir frá bretsku hermonnunum, sum leigaðu missiónshúsið undir seinna heimsbardaga. Hetta lá á ovasta lofti, sum vit ruddaðu fyri nøkrum árum síðani, sigur Kristan Martin við R7, at enda.
Mest lisið í farnu viku
Samband
Heygsvegur 8
490 Strendur