- Okkara eftirlit vísir, at hitin í Barentshavinum er lækkaður seinastu fimm árini, sigur hon.

Norska Havgranskingarstovan hevur kannað hitan í Barentshavinum í meira enn 70 ár, og kanningarnar vísa, at hitin í útsynningspartinum er á umleið sama stigi í dag, sum tíðliga í 2000-árunum, sigur Randi Ingvaldsen.

Havveðurlagið í Barentshavinum er í stóran mun ávirkað av heita atlantshavs-streyminum, sum kemur av vestri.

Randi Ingvaldsen sigur, at Barentshavið er vorðið kaldari, tí sjógvurin, sum kemur inn móti norska atlantshavs-streyminum, og sum er framhald av Golfstreyminum, hevur verið kaldari.

Hvussu nógur heitur sjógvur streymar inn í Barentshavið valdast um, hvussu nógvur ísur er í tí havøkinum, men síðan 2016 hevur ísbrúgvin flutt set suðureftir.

- Tá minni hiti er komin inn í økið, er mongdin av ísi vaksin. Men tað eru eisini aðrar kreftir, ið stýra hesum. Kanturin á ísinum broytist eisini alt eftir hvussu nógvur ísur kemur inn av norði og eystri. Ættin hevur eisini nógv at siga, og um ísurin smeltar ella frystir, Randi Ingvaldsen.

Hvar ísbrúgvin er, broytist altso fyri hvørji 10 ár, frá ári til ár, og eisini frá degi til dags. Og tað skriva Áhugafelagið Antares og Skipsrevyen.