Argentina fekk kommunistiskan jólagest úr Bolivia
Næmingar í Hoydølum spurdu meg ofta, hví tey høvdu árliga verkaviku, tá tey savnaðu pening til ein føroyskt fíggjaðan skúla í Bolivia mitt í Suðuramerika.
Eg svaraði eftir instinkti, at orsøkin til hetta føroyska átakið var, at Bolivia var eitt pesthol við indianskum meiriluta, kommunistiskari stjórn, og tí stórum fátækradømi, ein sonevndur ‘failed state’ – eitt miseydnað land í allar mátar.
Bolivia er 3 ferðir størri enn Týskland til ummáls, 1,1 mió km2, við 11 mió íbúgvum og 25.000 kr í árligari miðal inntøku (= 70 kr um dagin), hóast landið er ríkt við nógvum ráevnum. Enn dømi um ein ‘falied state’, miseydnað land.
Slík lond verða altíð undirborin av peningi frá ‘bløðandi hjørtum’ í Vesturheimi.
Ein stórur partur av teim innføddu bøndunum liva av at velta narkoplantur, ið verður framleiddar til eitur og útfluttar til Vestanlond. USA hevur ferð eftir ferð hjálpt Bolivia til at leggja landbúnaðin um frá drøggplantum til nyttuplantur.
Evo Morales (60 ár) er leiðari í Sosialistaflokkinum og forseti frá 2006-2019, afturvaldur 3 ferðir, til bolivianski veljarin skifti hann út í oktober í fjør. Hann varð av hægstarætti skuldsettur fyri at royna at verða afturvaldur við valsviki.
Valsvikið førdi til nógvan ófrið í flestu býum í Bolivia, meðan bøndur stuðlaðu teirra valda indianska leiðara, tá boliviska hermegin gavst at stuðla Morales.
Falni forsetin flýddi í november til Mexico og haðani til Cuba, ið altíð gevur marxistiskum bandittum friðskjól. Men har var kanska heldur keðiligt.
So gjørdi Morales av at søkja friðskjól í Buenos Aires í Argentina, har nývaldi forsetin, Christina Fernandez, eisini sosialistur og júst afturvald eftir eitt miseydnað borgarligt valskeið, beyð sínum boliviska partamanni vælkomnum.
Christina Fernandez man vera í góðum hýri og andar lættari, eftir at hon hevur steðgað einum rættarmáli ímóti sær (og sála manni sínum), ið hava svikað fyri miljardir krónur í privatum valutahandlum við almennum peningi.
Nú heldur Morales summar í sól og hita í sosialistiska Argentina. Hann sleppur ikki at stilla upp til komandi valið í Bolivia, men er settur sum kampanjuleiðari fyri sín flokk, Movimento Sosialista, MAS.
Mest lisið í farnu viku
Samband
Heygsvegur 8
490 Strendur