Bæði Tailand, Japan, Taivan og Filipsoyggjar hava noktað ferðafólkunum at sloppið í land, tí tey óttaðust, at ferðafólkini kundu vera smittað við coronavirusinum.

Felagið, Holland America Line, sum eigur Westerdam, setti kanningar í verk at kanna ferðafólkini fyri smittu, men ongin corona-tilburður varð funnin millum tey 1.455 ferðafólkini og 802 av manningini. Hóast tað, so tordi ongin at loyva ferðafólkunum í land, fyrr enn nú.

Ferðafólkini vóru ovurfegin tá tey gingu í land í Kambodja, og forsætisráðharrin í Kambodja, Hun Sen, gav teimum blómur. 

Uml. 400 av ferðafólkunum flúgva til Phnom Penh, høvuðsstaðin í Kambodja, í dag, og ferðast síðan víðari haðani.