Føroyskir cochlear-implant sjúklingar verri fyri enn danskir
Deyv og tunghoyrd í Føroyum hava verri møguleikar, tá tey við serligari skurðviðgerð, nevnd Cochlear-implant, gerast hoyrandi, enn danir. Og tað heldur Steffan Klein Poulsen, tingmaður hjá Miðflokkinum, vera ov galið.
Tí hevur hann sett landsstýrismanninum í heilsumálum, Kaj Leo Holm Johannesen spurningin, hvør hevur ábyrgdina av, at føroyskir sjúklingar fáa somu tilboð sum danir fáa, eftir hesa serligu skurðviðgerðina.
Í skurðviðgerðini verður ein serligur lutur - eitt sonevnt Cochlear-implant, opererað inn millumoyrað. Har geva tey serlig signalir víðari, soleiðis, at tann deyvi ella tunghoyrdi fer at hoyra.
Í Danmark verða 2.100 slíkar skurðviðgerðir gjørdar um árið, og øll fáa tilboð um eftirviðgerð. Tí hesi deyvu vita ikki, hvat tað er, tey hoyra. Tey skulu læra, hvussu tað ljóðar, tá ein hurð verður latin aftur, tá tað dryppar í einum krana, hvussu tað ljóðar, tá seyður jarmar og tá fólk tosa - og ikki minst, hvat hvørt einasta ljóð og orð merkir. Men hesa eftirviðgerð og hjálp fáa føroyskir sjúklingar ikki - teir verða sleptir fullkomiliga uppá fjall.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur