Mark Zuckerberg sigur eisini, at hann stuðlar ætlanunum hjá hugsunarbankanum “Organisation for Economic Co-operation and Development”, at finna eina altjóða loysn upp á skattaviðurskifti hjá risafyritøkum, sum virka um allan heim.

Facebook og aðrar líknandi fyritøkur eru nevniliga lagdar undir ikki at gjalda nóg nógv í skatti, í londunum, tey virka í.

Men nøkur vilja vera við, at OECD, arbeiðir alt ov seint fyri ætlaða sáttmálanum, sum skuldi vera liðugur í 2020.

Í Bretlandi rindaði Facebook bara 28,5 milliónir pund - tað sama sum 255,31 milliónir danskar krónur í skatt í 2018, hóast tey forvunnu 1,65 milliard pund - tað sama sum 14,78 milliardir danskar krónur, í sølu - bara í Bretlandi.

Í 2018 segði bretski tinglimurin, Margaret Hodge, at ein so lítil rokning var púra burturvið, men Facebook svaraði, at tey goldu tað tey skyldaðu.

Men nú er tónin altso broyttur, og Mark Zuckerberg segði millum annað soleiðis leygardagin:

- Vit góðtaka, at tað kanska fer at meina, at vit mugu gjalda meira í skatt, og at tað møguliga verður skipað øðrvísi.