Bretar drekka støðugt minni te
Bretar fjeppast støðugt minni í tí, tey kalla ‘a cuppa’ ella, sum fleiri høvdu sagt ‘a nice cup of tea’..
Í fjør keyptu bretar 2,6 mió kilo, t.e. 26.000 tons, svarandi til 870 mió koppar minni av te enn árið fyri. Her tosa vit altso um ‘svart’ indiskt te, hóast vit vita av royndum, at tey indisku tesløgini, vit drekka, eru reydlig á liti og ikki svørt.
Hin vegin øktist mongdin á forkunnugum tesløgum, ið bretar keyptu og drukku í fjør, altso ymisk sløg av grønum te, ið fyri tað mesta eru kinesisk, og fruktte.
Tey sonevndu ‘grønu’ tesløgini ressa neyvan so nógv sum tey indisku, svørtu, tesløgini. Sonevnt svart te hevur meiri garvusýru í sær, og tí mugu tey, ið ikki tola garvusýru, antin koyra sitrón ella mjølk í. Sterkt, gott te við mjólk er bæði matur og drekka, sum føroyingar plaga at siga.
Men grøn, kinesisk tesløg eru líka vatndrívandi og tískil húðreinsandi sum indiskar teplantur.
Tað ljóðar, at í september stytti Tesco hillaplássið, har Tetley te hevur staðið, við 40%, fyri at geva rúm fyri øðrum tesløgum, eitt nú frukt- og urtate.
Ja, tað er trupult at ímynda sær Bretland, um bretar gevast at drekka fleiri ‘cuppa tea’ enn onnur sløg av ressandi drykkjum, eitt nú kakao ella kaffi.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur