Frisco brúkti 600 mió kr at rudda mannatrekk av gongubreytum
San Francisco hevur verið ein av vakrastu býum í California, um ikki í øllum USA. Men eins og California hevur Frisco havt vinstrahalla, Democrat býarstjórn í mong ár. Í (serliga Suður)california er veðurgott, og har búgva nú 1/3 av øllum fátækum (les: ólógligum tilflytarum) úr Latínamerika til USA.
Democrats hava, eftir at Hillary Clinton tapti seinasta forsetaval móti Donald Trum, hert tað mentanarliga borgarakríggið móti republikanum.
California hevur boðið øllum ólógligum tilflytarum (innbrótarum) til USA vælkomnum. Býir sum LA og Frisco eru nú ‘friðskjól’ fyri teimum 1000-tals drøggsmuglarum og brotsmonnum, ið hava floymt um suðurmarkið úr Mexico, til Trump-stjórnin fleirfaldaði ICE-manningina og fór at byggja múrin suðureftir.
Amerikanskir stórbýir við nógvum svørtum íbúgvum og mest fongdir við kriminaliteti hava allir Democrat býarstýri, eitt nú Chicago, Milwakee, New Jersey, Philadelfia, Detroit, Baltimore o.a.
Orsøkin til ringa standin er, at vinstruhallu Democrats, suðurstatsflokkurin í trælatíðini, við rasuskilnaði til fyri 60 árum síðan, við Ku Klux Klan, nú halda svørt innilæst í ghettoum, ið eru nútíðar ‘plantagur’ við svørtum stemmutræl-um, har 90% atkvøða Democrat aftur fyri sosialhjálp.
San Francisco mátti í fjør brúka $ 94 mió til at rudda gongubreytir fyri fólkalort og annað órudd, eitt nú túsundtals brúktar drøggnálir, tí yvir 20.000 fólk búgva í tjøldum og sova undir teppum á gongugøtunum. Býarstýrið sær út til at ynskja hesar fátæku borgarar ella vitjandi og verja tey móti ICE, marknarløg-regluni, ið handtekur 10.000-tals útlendsk brotsfólk hvørt ár í ‘friðskjólbýum’.
Í hesum Democrat stýrdu statum og býum, har meirilutin hatar Donald Trump, hevur tað betra slagið, sosiala úrvalsliði av sjampanju-sosialistum, tryggjað seg sjálvi í forstøðum við so strongum byggireglum, at bert tey múgvandi, eitt nú Silicon Valley kommunistar, hava ráð til hús og búgva í friði fyri óynsktum sosialum taparum, ið koma reikandi allastaðni frá uttan fyri USA.
Hesin rasuskilnaðurin minnir um Evropa, har tey við politiskum valdi og pengum búgva uttan um býirnar, meðan vanligi evropeiski arbeiðarin verður drivin til vanvid av tilfluttum óarbeiðsførum útlendingum, ið liva av skattapengum frá teimum, ið mugu bøta við verri almennum tænastum.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur