Hava vit endiliga fingið klænkitablettir uttan hjáárin
Vælferðin hevur sín prís, m.a. tí eingin sleppur undan at økja holdini av ov góðum og nógvum mati, uttan vit gera hart kropsarbeiði og/ella kropsvenjing.
Stríðið móti yvirvekt hevur fingið mangan mann og ikki minni kvinnu at ynskt onkran heilivág, ið mótvirkar, at vit fara fram í vekt av at eta ov væl og nógv.
Men vandin í vælferðini liggur eisini í, at slíkur heiluvágur skaðar heilsuna. Fleiri sløg av heiluvági eru tikin av hillunum, tí tey ávirka kropp og sinni.
Tað var verri enn ilt, um fólk fingu heilivág, ið gjørdi, at tey kundu etið meiri uttan at fara fram. Tað hevði verið líka ringt, sum um fólk kundu drukkið meiri alkohol og so við medisini minka skaðaárinið, ið alkohol hevur á heilsuna.
Men nú vilja nakrir læknar vera við, at ein lykil til heilivág fyri klænking er funnin, skrivar The Times. Teir hava leingi arbeitt við heilivági fyri ovurvekt uttan hjáárin á hjarta ella aðrar kropsfunktiónir.
Henda uppdaging mátti verið líka vælkomin hjá fólki flestum, sum um læknar funnu heilivág, ið gav berskøllutum monnum hárið aftur ella kvinnum heilivág fyri at fáa hóskandi bringustødd ella til at regulera stødd og skap á afturparti.
Síðan 2012 hava tablettir, Belviq, verið til keyps í USA, ið uttan hjáárin sigast minka matarlystin og tískil forða fyri, at vit eta ov nógv.
Nú verður hann seldur í Evropa sum Lorcaserin, skrivar enska avísin.
Professarin Erin Bohula á Brigham og Harvard universiteti hevur staðið á odda fyri eini risa kanning og kannað Lorcasin við 12.000 feitum fólkum, ið fingu Lorcaserin ella placebo í 40 mánaðir.
Alt annað líka lætnaðu tey royndarfólkini, ið fingu Lorcaserin, 4,5 kg í miðal uttan at fáa hjarta ella sinni ávirkað, men tey í placebobólkinum mistu 1,4 kg. Eingin av Lorcaserinbólkinum fekk hjartatilburð ella blóðtøpp aðrastaðni.
Hetta eru so góð tíðindi, skrivar Tam Fry, formaður í Bretska Obesity Forum, at hesin heilivágur, ið uttan hjáárin kann tálma matarlyst hjá fólki og tí gera, at vit eta minni og missa holdini, er veruliga ‘heilaga steypið’, ið nú er funnið í klænkiheilivági.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur