Italia kærir seg um ‘heilasvinn’ (‘brain drain’)
Meðan havrekar bróta lógir, ja vága lív fyri stórt gjald til mannasmuglarar fyri at sigla til Italia tvørtur um Miðjarðhav, har fleiri hundrað drukna hvørt ár, ja so seyra italienar til Vestur- og Norðevropa. Er so fólkajavnvágin ikki í lagi?
Tey vinstrahallu og liberalu siga helst, at ein muslimskur afrikani ella arabari inn er líka góð/ur sum ein italianari út. Men tað heldur minst helvtin av italska fólkinum ikki. Tað eru tey, ið stuðla Matteo Salvini. Hann hevur bøtt fyri sín anti-tilflytarapolitikk við at verða tveittur úr stjórnini, ið nú fær stuðul frá ES.
Italia líður av ‘heiladreni’, skrivar The Times. 816.000 italienar eru fluttir úr heimlandinum farnu 10 árini, 100.000 fleiri enn talið á afrikanarum, ið nú eru innistongdir í Italia til onga nyttu, tí teir vilja ikki heimaftur til tey (nær sagt)londini, ið teir eru flýddir (næstan bera menn) úr.
Hesir afrikanar sleppa ikki norður um Alpurnar, tí týskarar vilja ikki hava fleiri og vilja siggja í afturpartin á Angelu Merkel (ið sær nakað tað sama út frá báðum síðum), og sum nú mest smíðar lógir til at banna talu- og skrivifrælsi í Týsklandi, har islamar kosta 700 mia evrur árliga, ið ikki er loyvt at nevna.
Tað, italskir myndugleikar harmast mest, er, at 182.000 ella nærum fjórðingur av teim gott 800.000, ið eru flutt norður- og vestureftir, eru væl lisin fólk við universitetsprógvi, ið hevur kostað skattgjaldarunum nógv at fíggja í áravís.
Andøvsløtan heldur uppá, at eitt akademiskt prógv er ikki nakað vert í sjálvum sær, tí tað velst um slag av útbúgving og mansevni í kandidatinum. Verkligar útbúgvingar hava størri búskaparvirði enn nyttuleys universitetsprógv til pynt.
At missa 816.000 ung fólk svarar til at missa ein heilan bý sum høvuðstaðin á Siciliu, Palermo. Flestu italienar flyta júst úr katólska og tí fátæka Suðuritalia.
Bara í fjør rýmdu 117.000 italienar heimanífrá, nærum 3 ferðir so mangir sum í 2009. Hvagar fara so hesir italsku útisetar? Jú, 21.000 fluttu til Bretlands, 18.000 til Týsklands, 14.000 til Fraklands, og 10.000 til Sveis.
So kundi ein spurt, um ikki kulsnir norðurevropear flyta suðureftir til hita og sól við Miðjarðhavið í sama mun sum italienar hin vegin. Jú, men ikki so nógvir sum flyta úr Italia norðureftir. Í fjør fluttu 5% færri fólk til Italia enn árið fyri.
Italienar tykjast samdir um ikki at fáa børn til at halda landsins fólkatali uppi.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur