Martin Kryhl Jensen mælir til skynsemi í veðurlagskjakinum
- Okkara landalærubók í 9. flokki í 1970-árunum hevði ein heilan kapitul um váðan fyri eini nýggjari ístíð og fylgjurnar av eini slíkari veðurbroyting, skrivaði danski søgufrøðingurin Martin Kryhl Hansen stutt fyri jól.
Orsøkin til óttan fyri nýggjari ístíð var, at veðurmenn síðan 1940-árini høvdu fingið prógv fyri, at veðrið kólnaði, og teir skrivaðu til Nixon forseta um hetta. Óttin fyri hesi ístíð helt fram at vera galdandi áskoðan langt inn í 1980-árini.
Kryhl Jensen heldur fram, at í 2017 vísti norsk gransking, at hitalagið við Svalbard fyri 10.000 árum síðan var 6 stig lýggjari enn í dag, uttan mannelvda ávirkan, og uttan at innlandsísurin kreymaði.
Í 1922 skrivaði WP um klimabroytingar við júst Svalbard: “Pólhavið ornar, ísfjøllini fækka, og kópur hevur tað trupult í flógvum sjógvi. ‘Fiskimenn, kópasláarar og uppdagarar eru samdir um fyrr óhoyrda lýkku í Arktis.”
Eitt altjóða granskaratoymi prógvaði í 2013, at fyri 3-5.000 árum síðan var innlandsísurin í Grønlandi væl minni enn í dag uttan ávirkan manna. Allir grønlendingar búðu í fleiri 100 ár á ísfría útnorðingsendanum á Grønlandi.
Eirikur Reyði tók land í Suðurgrønlandi um ár 1000. Tá var 2 stig heitari enn nú. Tí veltu norðbúgvar korn og livdu av seyða- og neythaldi í 300 ár. Um 1300 kólnaði. Toftir hjá norðbúgvum koma enn ofta undan innlandsísinum.
Kryhl Jensen vísir á fleiri dømi um skiftandi veðurlag. Eitt er, at í ‘lítlu ístíðini’ (Maunder Minimum) í 17. øld (Gabla-tíðini) var so kalt í Norðurevropa, at svenski herurin við útgerð (1.000-tals tons íalt) gekk á ísinum um Oyrasund og kringsetti Kjøpinhavn, meðan danski herflotin lá ísfastur í Køgebukt.
Tá var eisini hvønn vetur ísmarknaður á Thames og í Amsterdam í mánavís.
Í dag liggja børn í andvekri av ótta fyri at verða ‘steikt’, tí vaksin fólk, ST í 2000 og Al Gore í 2006, júka, at mannaættin má gevast at brenna kol, olju og gass, tí annars gongur heimurin undir um 5-10 ár. Nú geva ørir Democrats mannaættini til 2030 at liva.Tey eru svakir religiøsir dómadagsprofetar.
Kryhl Jensen heldur, at klimakreppan er meiri ein klimasykosa. Hann siterar Karl Popper, ið segði, at ein teori sum klimakreppan, ið øll bara góðtaka og halda kann ikki mótprógvast, er ikki vísindalig, men rein religión og pátrúgv.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur