Grøna stjørnan stendur fyri burðardygd, t.e., at matstovur, sum fáa hesa stjørnina, samstundis fáa viðurkenning fyri at nýta burðardyggar matvørur í arbeiði sínum.

Og Koks var ein av norðurlendsku matstovunum, sum fekk “Grønu” michelinstjørnina. Kanska ikki heilt óvæntað, tá vit vita, at meginparturin av matvørunum hjá Koks koma beinleiðis úr sjónum, úr fjøruni -  og náttúruni annars.

Men aftrat grønu stjørnini varðveiddi Koks tær báðar Michelin-stjørnurnar, sum hava verið við til at sett føroyskan mat og føroyskt matstovuvirksemi á altjóða pallin.