Kjartan Kjartanson sigur, at teir byrjaðu í 1993, og sjálvur hevur hann fiskað við garnabátum seinastu 20 árini. 

“Síðsti túrur varð tó brúkiligur, tá vit fingu sløk 10 tons. Annars hevur fiskiskapurin síðstu mánaðirnar verið syndarligur, sigur Kjartan Kjartansson, skipari á Oknini.

-Hvør orsøkin er, skal eg ikki gera meg klókan uppá. Orsøkirnar kunnu vera fleiri, so sum, at kalvin fer inn á grynri vatn, har vit ikki hava loyvi at fiska, ella at hitin í sjónum ikki er til vildar fyri kalvan, sigur hann.

-Gørnini standa eystur úr Fugloynni, og vit fara avstað sunnukvøld og eru so vanliga úti í fýra dagar og landa fríggjamorgun. Nú vóna vit betri fiskiskap, tí tað kann næstan bara ganga uppeftir, sigur Kjartan Kjartanson, skipari á Oknini, við Føroysku Sjómansmissjónina