24 umsóknir um stuðul til gransking í 2020
Árliga umsóknarfreistin til stuðul úr Granskingargrunninum var úti leygardagin 15. februar kl. 12.00. Tá vóru 24 umsóknir innkomnar. Tað skrivar Granskingarráðið á heimasíðuni.
Granskingarráðið sigur, at hetta er lægsta talið av umsóknum síðani 2007. Í 2019 vóru 31 umsóknir.
Í alt verður søkt um góðar 23 mió. kr. Hetta er tað sama sum í 2019. Talið á umsóknum er ójavnt ár fyri ár, tað hevur verið frá 24 heilt upp til 48 í 2014, sum var tað hægsta nakrantíð.
Tað eru upp til 7,5 mió. kr. tøkar til stuðul í 2020. Seinnu árini hava millum 8 og 12 umsóknir fingið játtaðan stuðul árliga.
Nú verður farið undir at kanna umsóknirnar fyri at vita, um tær lúka formligu treytirnar. Síðani skulu uttanhýsis ráðgevar finnast, sum fara at meta um vísindaligu góðskuna v.m. í umsóknunum. Endaliga viðgerðin av umsóknum er vanliga í mai, so umsøkjararnir kunnu vænta sær svar í seinasta lagi 1. juni.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur