Fólkatalið í Kroatia minkar eins og í fleiri øðrum ES-londum
Koratia situr við ES-formanskapinum fyrru helvt av 2020. Tað hevur givið forsætisáðharranum, Andrej Plenkovic, høvi til at gera vart við Kroatia í ES.
Høvuðstaðurin eitur Zagreb, og miðal ársinntøkan er $ 15.000, undir triðing av tí føroyska. Landið er vakurt, er mest fólkað av kroatum, eftir at kroatar tveittu muslimarnar út undir borgarakrígnum í ex-Jugoslavia í 1990-árunum. Teir búgva nú í grannalandinum Bosnia. Síðan tá hevur verið friður í Kroatia.
Herfyri boðaði Plenkovic alment frá, at so nógv fólk flyta úr Kroatia, at tað svarar til ein fittan bý hvørt ár. Hann heitti á ES um at seta í verk eina felags ætlan til at bjarga suður- og eysturevropiskum londum undan at fána burtur og detta niðurímillum av lágum burðartali og fráflyting norður- og vestureftir.
Kroatia er fjallaland fyri eystan við køldum, men stillum vetrum og lýggjum sumrum. Tað liggur altso væl fyri til veður sunnan fyri Alpurnar og við langari og vakrari strond út móti Adriatahavinum, av vakrasta landslag í Evropa.
Í Kroatia búgva 4,1 mió fólk, nakað minni enn í Noreg og Finlandi. Millum 2013 og 2016, altso í bert 4 ár, fluttu 230.000 kroatar, t.e. 7% av fólkinum burtur, mest til Týsklands og Eysturríkis og Írlands at arbeiða.
Kroatia er langt ífrá einasta landið í ES, ið verður drenað fyri fólk. 10 av teim 28 ES-limalondunum fækkaðu í fólkatali í 2018, bæði av negativum burðaravlopi (altso færri føddum enn deyðum) og av fráflyting, sum jú er frí innan fyri Schengen-mørkini hjá ES-felagskapinum.
Tey ES-londini, ið mistu mest fólk, í fjør og undanfarnu 10 árini, eru Bulgaria, Latvia, Litava, Kroatia og Romenia.
Til tess at eitt land kann varðveita sítt fólkatal, krevst, av hvør kvinna fær minst 2,1 barn í miðal. Tá tolir landið ikki netto fráflyting, sum vera man.
Tað er reglulin og ikki undantakið, at hvør kvinna í Suður- og Eysturevropa fær færri enn 1,5 barn í miðal. So sjálvupptikin eru Vesturlendingar blivnir.
Í Føroyum fær hvør kvinna í miðal 2,5 børn,hitt mesta í Vestanlondum. Men okkara burðaravlop minkar eisini. Vit hava tó verið signað av eini reservu av føroyskum útisetum, ið flyta heimaftur nú við okkara góða búskapi.
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur