Tiltakið verður bæði sent í Sjónvarpinum, og tað verður eisini stroymað. Hesi vóru boðini á tíðindafundi, sum Krabbameinsfelagið, Kringvarp Føroya og Norðurlandahúsið høvdu í morgun.

Endamálið hjá Krabbameinsfelagnum er at berjast móti krabba, og at tað er í stríðnum móti krabba, at felagið roynir at savna so nógvan pening sum til ber. Innsavnaði peningurin fer til at stuðla gransking í krabbameini, til at upplýsa um og royna at fyribyrgja krabbameini, og ikki minst at hjálpa og lætta um hjá teimum, sum hava krabbamein, sigur Durita Tausen, forkvinna í Krabbameinsfelagnum.