Skipari: Hóast lítla kvotu, vóna vit at liva og yvirliva
-Vit høvdu onkrar smávegis trupulleikar við maskinarínum, tá vit komu við skipinum fyri góðum ári síðani. Men síðani tað varð rættað, hevur skipið riggað væl, sigur skiparin á Katrin Jóhonnu, Árni Dalsgaard.
Sjómanstrúboðarin, Thorleif Johannesen, hevur vitjað umborð á Katrin Jóhonnu. Árni Dalsgaard, skipari, sigur, at gongdin í fjør var í lagi, men kvotan er so mikið lítil, at teir mugu hugsa seg væl um, fyri at fáa so nógv sum gjørligt burtur úr kvotuni.
-Vit vita ikki rættiliga, hvussu framtíðin sær út, men sum tað ljóðar á politikkarunum, so vóna vit at varðveita menningarkvotuna. Hon er í so lítil, og tí vóna vit at fáa nøkur tons afturat, so vit kunnu liva og yvirliva, sigur Árni Dalsgaard.
Teir fiskaðu makrel í januar mánað og ætla nú at fara á svartkjaftaveiðu.
Mest lisið í farnu viku
Samband
Heygsvegur 8
490 Strendur