Astri Luihn skal listprýða nýggja skúlan og ítróttarhøllina við Streymin
Í síðstu viku var avtala undirskrivað við listakvinnuna Astri Luihn, um at listprýða nýggja skúlan og ítróttarhøllina við Streymin. Tað skrivar Sunda kommuna á heimasíðu síni.
Ein millión er sett av til at listprýða skúlan og ítróttarhøllina fyri, og svarar hetta til áleið 1,4% av handverkaraútreiðslunum.
Listabólkurin í Sunda kommunu fegnast um at avtalan er undirskrivað og at skúlin og ítróttarhøllin við Streymin fáa viðkomandi og nýskapandi list.
Umframt eitt veggprýðið skal Astri Luihn eisini listprýða glasfasadur í skúlanum. Íblásturin til glasfasadurnar er úr ymiskum hugtøkum og frymlum frá støddfrøðini, so sum Fibonacci talraðið og Pythagoras.
Listprýðingin á veggunum verður gjørd við íbláðstri úr Sjúrðarkvæðunum, sigur Astri Luihn sambært Sunda kommunu.
Í skúlanum við Streymin ganga áleið 230 næmingar og áleið 30 starvsfólk arbeiða har. Skúlin verður liðugur seinni í ár, skrivar Sunda kommuna.
Les meira í leinkjuni her.
Mest lisið í farnu viku
Samband
Heygsvegur 8
490 Strendur