Ocean Rainforest við kunning um tara
Áhugin fyri taraaling og taraúrdráttum er alsamt vaksandi bæði her á landi og úti í heimi, og í Føroyum eru nýggju umsóknir latnar inn um at fáa loyvi til vinnuliga taraaling.
Ocean Rainforest hevur gjørt royndir við taraaling seinastu 10 árini, og tey vilja fegin kunna um teirra virksemi, og hví og hvar tey hava søkt um taraloyvi. Í hesum sambandi skipar Ocean Rainforest fyri fundi í skúlanum í Funningsfirði hósdagin 27. februar.
Elsa Berg, lívfrøðingur í Ocean Rainforest, fer at greiða frá um taralívfrøði, og Ólavur Gregersen, stjóri, fer at greiða frá ætlanum framtíðar virksemi. Høvi verður at seta spurningar og gera viðmerkingar, skrivar Ocean Rainforest í innbjóðing til tiltakið á sosiala miðlinum Facebook.
Skráin fyri tiltakið er hendan:
Kl. 19:30 – Vælkomin
Kl. 19:45 – Taralívfrøði – vøkstur, aling og innihald
Kl. 20:00 – Taravirksemi – framleiðsla, marknaður og staðseting
Kl. 20:30 – Spurningar
Kl. 20:45 – Kaffi/te og smábitar við tara
Mest lisið í farnu viku
Putin vil hava Biden og ikki Trump
Undirskot landskassans 150 milliónir
Samband
Heygsvegur 8
490 Strendur