Annika Olsen: óftættakent og niðrandi orðaval
Eg siggi javnan útsøgnir sum “ ja hvussu skal tað vera, tað eru bara kvinnur á Vaglinum”, “ tja hønirnar á Vaglinum vita ikki hvat vendir upp ella niður” ella tað sum verri er, sum ikki er borðbart at nevna. Tað skrivaði Annika Olsen m.a fyri løtu síðani á facebook- Les alt niðanfyri
Hetta býráðið hevur 8 kvinnur og 5 menn. I meirilutanum hava vit verið 5 kvinnur og 2 menn. Sum kvinna havi eg havt ein framíhjárætt at vera borgarstjóri fyri hetta søguliga býráðið við einum meiriluta av kvinnum fyri fyrstu ferð i søguni.
Tað, sum harmar meg, og sum eg haldi vera sera óftættakent og keðiligt rák er niðrandi orðavalið, ið hevur stungið seg upp i almenna rúminum og i sosialu miðlunum. Eg siggi javnan útsøgnir sum “ ja hvussu skal tað vera, tað eru bara kvinnur á Vaglinum”, “ tja hønirnar á Vaglinum vita ikki hvat vendir upp ella niður” ella tað sum verri er, sum ikki er borðbart at nevna.
Hetta er sum innistongdar kenslur sleppa sær út imillum rivjabeinini. Hetta er als ikki fyri at spæla offur, eg toli mangt og havi tolað mangt i minum politiska livi, men eg kenni trongt at tala at, ti eg havi virðing fyri teimum kvinnum og monnum, eg arbeiði saman við dagliga, sum kýta seg meiri enn menniskjaligt er fyri at gera eitt gott arbeiði.
Gamani nýtast vit ikki at vera samd um málið ella kósina, men latið okkum kjakast um málini heldur enn um kynini. Kynsdiskriminerandi orðavalið hoyrir forntíðini til og ikki nútíðini. Havið ein góðan dag.
Skrivar Annika Olsen á facebook vanga sínum
Mest lisið í farnu viku
Samband
Heygsvegur 8
490 Strendur