ÍF-Flogbóltur kærir allar dystir hjá Mjølni kappingarárið 2019/2020 og vísir í hesum sambnandi á, at Mjølnir hava nýtt leikara, ið ikki hevur havt ítróttarvisum ella arbeiðsvisum í lagi og tískil ikki hevur havt loyvi at luttaka í dyst fyri Mjølnir.

Í úrskurðinum verður sagt, at Ítróttadómstólurin ikki hevur grundarlag fyri at staðfesta brot á reglur hjá ÍSF ella Flogbóltssambandi Føroya, og tískil gevur Ítróttadómstólurin ikki ÍF-Flogbólti viðhald í kæru síni. Avgerðin hjá Dómsnevndini hjá Flogbóltssambandi Føroya, dagfest 8. Februar 2020 verður tískil staðfest, verður sagt í úrskurðinum hjá Ítróttadómstólinum.