Meinhard Egilsson Olsen til B36
Seinasta árið hevur hann roynt seg í Kristiansund í Noreg, men nú gongur leiðin aftur til Føroyar og Gundadal.
B36 og Meinhard Egilsson Olsen hava skrivað avtalu, sum knýtir partarnar saman í 2020
Meinhard Olsen spældi við okkum í 2017 og 2018, og orkufullu og álosphugaði spælarin var ein av avgjørdu áskoðarafavorittum okkara.
Seinasta árið hevur hann roynt seg í Kristiansund í Noreg, men nú gongur leiðin aftur til Føroyar og Gundadal. Tað er nevnliga staðfest, nú Meinhard og B36 hava skrivað undir sáttmála.
- Eg treivst sera væl, tá eg var í felagnum í 2017 og 2018. Her eru nógv góð fólk, og tíðin í felagnum gav mær eisini nógvar góðar vinmenn, sum eg eri fegin um at hitta aftur. Eisini eru áskoðararnir her nakað, sum eg var sera fegin um, og eg bæði vóni og vænti, at tey møta eins væl upp til bæði heima- og útidystir, sum tey plagdu at gera, sigur Meinhard E. Olsen.
- Ítróttarliga er B36 eisini væl fyri. Í fjør gekk tað akkurát ikki, men eg vóni, at eg kann geva mítt íkast við bæði málum og góðum spæli, soleiðis at vit klára at lyfta okkum allar seinasta pettið. Eg eri framvegis svangur, og eg vil fegin prógva meg her í Gundadali, sigur Meinhard E. Olsen, sum í morgun var partur av hópinum hjá B36, tá vikuliga morgunvenjingin var á skránni.
Og sjálvandi var tað eisini ein fegin formaður, sum setti sína undirskrift á nýggjasta sáttmálan,
- Meinhard var ein fongur fyri okkum, tá hann seinast var í felagnum, og vit ivast onga løtu í, at vit við hesum hava fingið ein munagóðan styrk til hópin, sigur Magni Vatnhamar Mouritsen.
Mest lisið í farnu viku
Samband
Heygsvegur 8
490 Strendur