Norski miðilin, i-laks, skrivar í dag, at virðið á mati úr sjónum - ella sjógæti, sum vit eisini rópa tað, er 19-falda seinastu 15 árini. 

Tað sigur Christian Jomaas, stjóri í Pareto Securitie-banka, við i-laks.

- Eg noyddist at dupultkekka tað á keypsskálanum í Oslo, og tað er altso veruleikin, virðið á sjógæti er 19-falda á keypsskálanum seinastu 15 árini, sigur Christian Jomaas.

Í 2005 var virðið á sjógætis-geiranum 10 milliardir krónur, og í dag er virðið 304 milliardir danskar krónur. 

Norski sjógætisgeirin er í dag 11 prosent av samlaðaða indeksinum - í 2005 var tað 1 prosent.