Kári Mikkelsen: Nei, eg spyrji bara?!
So eru slúsurnar opnaðar til ALS-grunnin, og tað er sjálvandi gott fyri tey, sum gerast arbeiðsleys í hesum døgum. Ein kann tó freistast til at fáa tann illgruna, at fyritøkur í størri ella minni mun eru farnar at spekulera í uppsøgnum, nú tær vita, at ALS-grunnurin er víðopin, og at tær tí ikki nýtast at hava teir stóru skruplarnir við at senda fólk til hús.
Um hetta er væl grundað, er ikki so nógv at siga til tað. Hinvegin, tá hugsað verður um tey stóru vinningsbýtini, sum nógvar fyritøkur hava rindað út tey seinnu árini til partaeigararnar, og ikki minst nú fyri 2019, er tað so ikki eitt sindur langt úti, at tað í stóran mun verður almenni ALS-kassin, sum í síðsta enda fer at fíggja hesi stóru vinningsbýtini? Júst tí fyritøkurnar fyribils og so ómakaleyst hava fingið møguleikan fyri at sleppa sær av við stóran part av sínum starvsfólkum, til tær ivaleyst aftur fáa brúk fyri teimum? Nei, eg spyrji bara?!
Tað skrivar Kári Mikkelsen á facebook - vanga sínum.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur