Heimasíðan Our World in Data hevur savnað almenn tøl frá heilsumyndugleikum í londum kring heimin. Hagtølini vísa m.a. at føroyingar eru bestir í heiminum at kanna fyri koronasmittuna. Vit taka flest royndir í mun til talið av íbúgvum. Tað merkir eisini, at vit hava heimsins mest effektiva heilsuverk. 

Landsstýrismaðurin í heilsumálum, Kaj Leo Holm Johannesen sigur, í stuttari viðmerking á tráðnum um hesi hagtøl á Facebook, "Vit vilja tað". Løgtingskvinnan fyri Tjóðveldi, Kristina Háfoss, sigur á sama tráði, at tað er framúr gott at framdar verða so nógvar kanningar. "Hetta gevur okkum og heiminum dýrabæra vitan og kann bjarga lívum," sigur Kristina Háfoss.