Petur Hans Dahl, veðurfrøðingur: Veðurvánir fyri hesa vikuna (vika 13)
Samanumtikið: Tað mesta av vikuni úts við nakað av vindi skiftandi millum regn og sól, móti endan av vikuni høgur í ættini og kaldari niður í frostmarki og vátaslettingur ella kavi
Mánadagur 23. Skrið upp í hvassan vind av úts 16-19 m/s, regn fyrrapartin, men sólin sæst seinnapartin og hitin 5-7 stig
Týsdagur 24. Hvassur vindur niður í frískan vins av úts, 14-9 m/s, regn ein stóran part av degnum, Hitin um 5 stig alt samdøgrið
Ónsdagur 25. Frískur vindur av úts, 10-8 m/s, turt fyri tað mesta og sólin sæst tað mesta av degnum. Hitin 5-6 stig.
Tórsdagur 26. Úts 11-12 m/s, regn stóran part av degnum, tó kemur sólin fram og hitin 4-5 stig.
Fríggjadagur 27. Úts gangandi upp í norðan, 14-10 m/s, turt fyri tað mesta og sólin kemur fram, Hitin 4-2 stig.
Leygardagur 28. Norðan, um kvøldið útn.v, 9-3 m/s, turt fyri tað mesta og hitin 2-0 stig
Sunnudagur 29. Norðan, 6-15 m/s, regn ella vátaslettingur og hitin 4-2 stig.
Samanumtikið: Tað mesta av vikuni úts við nakað av vindi skiftandi millum regn og sól, móti endan av vikuni høgur í ættini og kaldari niður í frostmarki og vátaslettingur ella kavi
Veðurtekn: Eldri skálvíkingur sigur frá: Vit vóru við Norðfarinum úr Vági á veg norðureftir, og veðrið var av tí besta. So sigur skiparin, Johan hjá Diasi, at tað verður skjótt illveður. Hetta grundaði hann á, at kløn, spýsk skýggj eins og revahalar stungu seg upp úr havsbrúnni. Og rætt hevði hann, tað gingu ikki nógvir tímar, so var vindur.
Petur Hans sigur soleiðis um veðrið á Ovarugøtu kl. 7 í morgun: Sunnan 12 m/s, regn og hitin 7 stig.
Mest lisið í farnu viku
Samband
Heygsvegur 8
490 Strendur