Grindirnar verða so líðandi færri og smærri
Nógvu síðstu árini er talið av grindum minkað spakuliga og grindirnar vera smærri. Kortini góvu grindirnar í fjør eini 200 tons av tvøsti og 180 tons av spiki, og talið av hvalum sum doyðu vóru 682 í 12 grindadrápum. Tað skrivar Hagstova Føroya, sum í dag er komin við nýggjum hagtølum um grind.
Hagtølini, sum Hagstova Føroya kunngerð, ganga heilt aftur til 1951.
Hagtølini vísa m.a. at flestu grindir seinastu árini hava verið í Norðoyggjum. Hesi síðstu 10 árini hava 21 grindir verið í Norðoyggjum, 18 í Norðstreymi, 16 í Vágum, 15 í Suðuroy, 12 í Eysturoynni, 10 í Suðurstreymi - tá meinast við í Havn - og 8 hava verið í Sandoynni.
Besta grindaárið var í 1985. Tá vóru 21 dráp og 2.596 hvalir doyðu. Men, flestu hvalirnir doyðu í 1981 - tað árið vóru 19 grindadráp og 2.909 hvalir doyðu.
Fleiri hagtøl um grind eru at síggja á heimasíðuni hjá Hagstovu Føroya.
Mest lisið í farnu viku
Samband
Heygsvegur 8
490 Strendur
Starvslýsingar
Myndarøðir
Lesarabrøv
Savnið
Nýggjastu tíðindi
