Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Corona má ikki steingja okkara fólkaræðið

Innanlands, Lesarabrøv | 26/03-2020 09:00

Corona hevur stongt skúlar og nógv arbeiðspláss. Men corona má ikki steingja fólkaræðið og tess hjartasláttur: Tað almenna kjakið.

Corona má ikki steingja okkara fólkaræðið

Eftir at eg í morgun skrivaði eina grein um okkara corona-strategi, hava fleiri sagt, at hetta er ikki nakað, sum vanlig fólk skulu blanda seg uppí. Her skulu serfrøðingarnir ráða.

Tað er at frásiga sær ábyrgd. Serfrøðingar geva ráð - men avgerðirnar eru og kunnu bara vera politiskar. Millum annað av teirri einføldu orsøk, at serfrøðingar ikki siga tað sama. Heilsuserfrøðingar hugsa um sjúkuna. Serfrøðingar á øðrum økjum hava eisini onnur atlit. Politikarar mugu skera ígjøgnum og taka tær týðandi avgerðirnar.

Í suðurkorea hevur stríðið móti sjúkuni eydnast sera væl. Har tóku tey eina politiska avgerð um at kanna eina rúgvu av fólki, finna fram til, hvørjum tey sjúku høvdu verið saman við, og seta tey í sóttarhald. Tey valdu ikki at lata landið so nógv aftur, sum gjørt er aðrastaðni.

Hetta verður í dag mett at vera kanska tann besta politiska avgerðin, sum nakað stórt land hevur tikið í hesum stríðnum. Og vit kunnu tíbetur staðfesta, at vit hava gjørt nakað tað sama í Føroyum - við stuðli frá øllum flokkum á tingi. Politikarar hava lurta eftir teimum røttu serfrøðingunum.

Í Bretlandi bleiv fyrst lurtað eftir nøkrum serfrøðingum - og síðani nøkrum øðrum. Tað var fatalt. Í USA tað sama.

Tá tað snýr seg um, hvørt vit við lóg skulu forbjóða fólki at møtast ella ikki, er lítil ivi um, at tey, sum bara hugsa um stríðið móti sjúkuni, siga ja. Men onnur hugsa um til dømis mannarættindi, álit á borgarum og persónligt frælsi - og siga nei.

Avgerðirnar eru og kunnu bara vera politiskar. Vit skulu øll geva okkum undir tær, tá tær eru tiknar. Men tær viðkoma øllum, og tí hava øll eisini rætt at siga sína meining um tær.

Corona hevur stongt skúlar og nógv arbeiðspláss. Men corona má ikki steingja fólkaræðið og tess hjartasláttur: Tað almenna kjakið.


Meiningar og hugleiðingar ið verða bornar fram í hesum lesarabrævið, umboða ikki meiningar, áskoðanir ella sjónarmið hjá leiðsluni í R7 Kringvarp.

Lagt út: Birgir Waag Høgnesen
Lýsing
Mest lisið í farnu viku
NOVA úr Suðuroynni (42) - 25. mai 2020
Vespureiðrið (135) - 25. mai 2020
Bilaleigu­felag mist nógv undir koronakreppuni
Petur Hans Dahl, veðurfrøð­ingur: Veðurvá­nir fyri hesa vikuna (viku 22)
Sjófólk leypa fyri borð av reikferða­skipum
Samrøða við Hanus Kjølbro - Tekur 1 ár at gerast skip­satstøðari á Sjónámi
The Land of Maybe – No More
Søgan um festið í Oyndarfirði
Framleiðir seingjarkistur til koronadeyð
Koronasmittan komin umborð á skip hjá Maersk
Teir selja land og seg sjálvar
Skráin hjá IKTUS, sunnudag 24. mai 2020
Ókeypis webinar við Bárði Persson: “Trín fram, so tað stendur eftir”
Orkuprát um sjóvarfallsorku
Djórini skulu hava tað gott
Farmaskip úr Polen álopið í Guineaf­lógvanum
Brasilski forsetin noktar at taka ábyrgd
Twitter setir merki á boð frá Donald Trump
Bátabrýr­nar frá 1973 hava tænt fyri seg
Hvagar eru vit á veg?
Samrøða: Theresa Turidardóttir Kreutzmann, um ferðavinnu í Suðuroy
Lands­stýris­maðu­rin sett nýtt Fólka­heilsuráð
Starvs­fólk hjá Tvøroyrar kommunu heiðrað
Arbeiðsvanlukka kravt eitt mannalív
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi